كلنا نعرف أهمية الفاتورة بشكل عام، بس ما نعرف إن التاجر اليوم صار يقدر يستفيد من الفاتورة في أشياء أكبر من مجرد تطبيق متطلبات الفوترة الإلكترونية، اليوم صرت تقدر تسوّق لنفسك عن طريق عناصر الفاتورة الإلكترونية المطبوعة، وتشجع عميلك إنه يرجع لك مرة وعشر بسبب إضافات جدًا بسيطة وبدون أي تكاليف!
يعني باختصار راح نتكلم بهذه المدونة عن أهم عناصر الفاتورة الإلكترونية اللي مهم تتأكد إنها موجودة من ضمن تفاصيل فواتيرك عشان تزيد مبيعاتك وقيمة الفواتير الشرائية لكل عميل، وراح نعرف بالأخير كيف تقدر تستفيد من برنامج رِواء عشان تحسّن من شكل وتفاصيل فاتورتك باللي يناسب احتياجاتك.
إضافات لعناصر الفاتورة الإلكترونية تسوّق لتجارتك
رسالة تحفيزية أو شكر للعميل
إضافتك لجمل بسيطة مثل “شكرًا لتسوقك معنا! استفد من خصم 10% في زيارتك الجاية مع هذا الكود: THANKYOU10” راح تشجع عميلك بإنه يزورك من جديد ويستفيد من الخصم، وممكن تتابع معدل زياراته من برامج الولاء وتعرف كيف تغيرت من بعد إضافتك للرسائل التحفيزية.
رمز استجابة سريعة إضافي
زيارة عميلك لمحلك مو بالضرورة تكون آخر تعامل بينك وبينه، تقدر تضيف للفاتورة صورة رمز استجابة سريعة (QR Code) ينقل العميل لخطوة إضافية، ممكن تكون صفحة تقييم للمنتجات اللي اشتراها، أو زيارة متجرك الإلكتروني، أو حتى صفحة العروض والتخفيضات في موقعك الإلكتروني عشان تزيد تفاعله مع منتجاتك أو تروّج للجديد منها.
معلومات مهمة عن المنتج
لو كنت صاحب محل عطور مثلًا، تقدر تضيف ملاحظة عن المنتج للعميل مثل: “العطر يدوم ثباته إلى 12 ساعة عند رشه على نقاط النبض”، وهذا راح يحسّن تجربة العميل مع منتجاتك، وبيقلل عليك استفسارات العملاء مع فريق خدمة العملاء لأن أهم المعلومات اللي يحتاجها العميل متوفرة عنده.
خبر مسبق عن العروض الجاية
مواسم تطبيق العروض الترويجية كثيرة لكن الميزة في المحلات اللي تبدأ العروض قبل الكل، وعشان تضمن إن العميل يزورك ويستفيد من عروضك قبل الكل، ممكن تضيف رسالة مثل: “عروض اليوم الوطني السعودي تبدأ من تاريخ 1 سبتمبر، ننتظرك قريب للاستفادة من عروضنا الحصرية!”.
هذا بيساعدك تزيد فضول العملاء لعروضك الجديدة، وتعتبر وسيلة تسويقية بدون تكاليف إضافية!
مميزات برنامج رِواء في تخصيص عناصر الفاتورة الإلكترونية
عرفنا الحين إن تفاصيل وعناصر الفاتورة الإلكترونية تفرق كثير، يعني بدل ما تكون مجرد ورقة تسلمها للعميل وتنساها، صارت وسيلة تسويق مجانية تشجع عميلك يشتري منك أكثر ويعتبر محلّك من وجهاته المفضلة!
هنا يجي دور برنامج رِواء اللي يساعدك في إنشاء فاتورة الكترونية، ويوفّر لك إمكانية تخصيص شكل الفاتورة الإلكترونية بالكامل، من نوع الفاتورة، إلى حجم الخط واللغة ومحتويات الفاتورة، وحتى الملاحظات والصور وأكثر، تعال نشوف كيف يساعدك برنامج رِواء تتحكم بكل جزء في فاتورتك!
1. تفاصيل رأس الفاتورة
بداية الفاتورة هي أول شيء يشوفه عميلك، ليش ما تكون مميزة بتفاصيل نشاطك وتعطيه انطباع ايجابي عنك؟
مع برنامج رِواء تقدر تضيف: شعار متجرك، اسمك التجاري، وأرقام التواصل، بكذا يقدر أي عميل يعرفك ويوصل لك بكل سهولة، وتقدر تضيف تفاصيل رسمية مثل رقم السجل التجاري الإلكتروني ورقم الضريبة، وهذا بيعطي انطباع إنك نشاط يعتمد عليه وملتزم بقوانين هيئة الزكاة بالكامل.
2. تفاصيل منتجات الفاتورة
أهم شيء يركز فيه العميل هو تفاصيل المنتجات اللي اشتراها ودفع عليها، وكل ما كانت مرتبة ودقيقة، كلما زادت ثقته فيك.
ومع برنامج رِواء بتقدر تعرض له اسم المنتج، كميته، وسعره قبل وبعد ضريبة القيمة المضافة، عشان يعرف العميل وش دفع بالضبط وكيف كانت الحسبة، وحتى تقدر تضيف مبلغ الخصم (إن كان موجود) عشان يعرف العميل سعر المنتج قبل وبعد الخصم مثل ما كان معروض على الرفوف قبل يشتريه.
3. تفاصيل تذييل الفاتورة
هذي المساحة الذهبية اللي كثير ما عرفوا يستغلونها! وهذه فرصتك تختم الفاتورة بشيء يخلي العميل يتذكرك ويرجع يشتري منك بالمستقبل!
وفي برنامج رِواء تقدر تضيف رسالة شكر بسيطة مثل: “شكرًا لتسوقك معنا! ننتظرك مرة ثانية.” أو “شكرًا لزيارتك. استفيد من خصم خاص 15% في زيارتك القادمة!” بكذا راح تخلي العميل يحس إنه محل تقدير، وبنفس الوقت تشجعه يتعامل معك مرة ثانية!
وبهذه المساحة تقدر تضيف صورة لكود QR ياخذ العميل لصفحة عروضك الخاصة في المتجر الإلكتروني، أو حساباتك في السوشيال ميديا، أو حتى طريقة استخدام المنتج أو تقييمه، وهذه تعتبر حركة ذكية لأنها تضمن إن عميلك يتفاعل مع نشاطك التجاري بأكثر من طريقة، وتسهّل عليه التعامل معك بالمستقبل.
4. الحقول الإضافية في الفاتورة
أحيانًا تكون متطلبات نشاطك التجاري مختلفة وتحتاج تضيف لها حقول إضافية، وهنا برنامج رِواء يعطيك الحرية تضيف اللي تحتاجه سواء في تفاصيل بيانات العملاء أو المنتجات أو صفحة البيع أو حتى داخل الفاتورة!
ومن أمثلة عناصر الفاتورة الإلكترونية، تقدر تضيف:
- رقم الطلب: خصوصًا لو عندك خدمة التوصيل أو الاستلام من الفرع.
- ملاحظات للعميل عن المنتج: مثل “الطلب يحتوي على منتج قابل للكسر، يرجى التعامل بحذر.”
- تفاصيل الشحن للمندوب: هذا لو كان الطلب راح يتم توصيله لموقع العميل.
- رقم الرف: عشان تتابع ترتيب مخزونك سواء في المستودع أو حتى من داخل المحل.
وبحسب احتياجاتك، تقدر تضيف أي معلومة أو خانة إضافية لفواتيرك مهما كانت!
بالنهاية شفنا كيف إن الفاتورة إنعكاس لصورة تجارتك، وكيف تعتبر أداة قوية تخدم أداء نشاطك وتزيد انتشار اسمك بين العملاء، ومع برنامج رِواء، إضافة عناصر الفاتورة الإلكترونية في فواتيرك المطبوعة صار أسهل وأسرع، وتبني لك تجربة عميل تخليك دايم في باله!
عناصر الفاتورة الإلكترونية وفوائدها لتجارتك هو جزء بسيط من +200 مقالة بمدونة رِواء تغطي لك أهم مواضيع التجارة والتسويق مثل: فرص الامتياز التجاري، وتقنيات المدفوعات مثل SoftPOS، وقوانين البلد واشتراطات البلدية للمحلات التجارية بأنواعها، وأكثر …
يعني مهما كان نوع نشاطك التجاري واحتياجاتك، بتلقاها كلها متوفرة بطريقة سهلة وبسيطة، اعطي تجارتك حقها وجرّب برنامج رِواء الآن.
أسئلة شائعة عن عناصر الفاتورة الإلكترونية وبرنامج رِواء
الفاتورة تتكون من عناصر أساسية ومطلوبة من هيئة الزكاة والضريبة والدخل تكلمنا عنها في مدونة الفاتورة الإلكترونية.
بكل مرحلة من مراحل الفوترة الإلكترونية فيه متطلبات لازم يوفّرها كل نشاط تجاري عشان يعتبر نشاط متوافق، وتكلمنا عنها بالتفصيل بحسب كل مرحلة في مدونة الفواتير الإلكترونية.
مع برنامج رِواء تقدر تخصص نموذج الفاتورة الإلكترونية بالكامل بحسب احتياجاتك ومتطلبات عملائك.
