وصلت شحنة المخزون الجديد، وجاء الوقت عشان تبدأ تبيعها وتكسب من وراها، بس باقي خطوة أخيرة لازم تنجزها وهي تسجيل فاتورة المشتريات بالنظام! المشكلة بهذه الخطوة إنها مليانة فواتير، وهالفواتير مليانة منتجات وتفاصيل وأرقام كثيرة (اسم، كمية، سعر، …الخ)، يعني يبيلها تستخدم الذكاء الاصطناعي مع قارئ الفواتير الذكي!
هدف هذه التقنية إنها تريّحك من تسجيل المنتجات وتفاصيلهم الكثيرة يدويًا، وبخطوة واحدة بتقدر تدخل أي فاتورة مشتريات في النظام بتفاصيلها من اسم المورد إلى تكلفة المنتج! بهذه المدونة بنعرف تفاصيل أكثر تهمك، وبالأخير بنشوف كيف تقدر تستفيد من هذه الميزة في برنامج رِواء.
وش هي تقنية قارئ الفواتير الذكي؟
محد ودّه يشوف منظر فواتير المشتريات المتكدسة على بعضها، وخصوًصا لو كان وراها شغل يدوي طويـــــــــــــــــــــــــــــــــل وجلسة على الجهاز إلى الصباح! وفوق هذا التعب، ما تضمن إنك سجلت كل هذه الأرقام والتفاصيل بشكل صحيح!
طيب وش فكرة هذه التقنية؟
ببساطة هو تقنية من تقنيات الذكاء الاصطناعي، وفكرتها إنك إما تصوّر أو ترفق صورة من فاتورة المشتريات، ويبدأ النظام يحلل كل حرف ورقم فيها، ويسجل لك المنتجات تلقائيًا في النظام المحاسبي، يعني راحة، ودقّة، وأرشفة تلقائية!
ومو بس يريّحك من التعب، بل حتى يقلل الأخطاء، ويحفظ وقتك عشان تستثمره في أشياء أهم!
وش بتستفيد من قارئ الفواتير الذكي في برنامج رِواء؟
تسجيل الفاتورة بأقل من دقيقة!
تخيّل الساعات اللي بتضيعها على تسجيل بيانات كل فاتورة مشتريات بشكل يدوي! كل هذه الساعات ممكن تختصرها في دقايق مع قارئ الفواتير الذكي في برنامج رِواء اللي بيسجل لك بيانات فاتورة المشتريات الواحدة خلال أقل من 30 ثانية!
أخطاء أقل ودقّة أكثر!
مع كثرة فواتير المشتريات وتفاصيلها مثل: اسم المورد، رقم الفاتورة، اسم المنتج، سعره، كميته، ضريبة القيمة المضافة، وغيرها كثير … طبيعي بيكون تسجيلها يدويًا منتج منتج ورقم رقم متعب ويسبب أخطاء كثيرة!
بس مع قارئ الفواتير الذكي في برنامج رِواء بيقرأها ويسجلها بكل دقة ويضمن لك إن مخزونك بالحقيقة هو نفسه الي مسجّل بالنظام.
أرشفة تلقائية ومراجعة سهلة
كل بزنس بيضطّر يوم من الأيام إنه يراجع بعض فواتيره ويتأكد من بعض المعلومات، والتحدي هنا لو ما كانت هذه الفواتير مسجلة بنظام بشكل مرتب وسهل القراءة!
وهذه هي ميزة برنامج رِواء، لأنه ينقل فواتيرك من ورقة مطبوعة إلى فاتورة مشتريات جاهزة تفاصيلها واضحة في صفحة PDF، وفوقها يعطيك النظام خيار البحث عن رقم الفاتورة الإلكترونية.
كيف تساعدك رِواء بتسجيل فاتورة المشتريات مع قارئ الفواتير الذكي؟
سمعنا من عملائنا كثير، وطورّنا لهم مميزات كثيرة تسهّل عليهم إدارة شغلهم، ومن أهم المميزات الي تصدّرت فيها رِواء كأول شركة سعودية، هي ميزة قارئ الفواتير الذكي (OCR) المخصصة لفواتير المشتريات!
ومن ضمن مميزات برنامج رِواء اللي تخليه وجهة التجّار هو ربطه بين المخزون والكاشير والمحاسبة، وهذا معناه إن كل فاتورة تتسجّل بالنظام راح تحدّث لك بيانات المخزون والمحاسبة بشكل تلقائي.
يعني راح تشوف كميّات جديدة للمخزون المتوفر، وراح تلاحظ إن تقارير التكاليف وأنواع المصروفات تحدّثت مع مشترياتك الجديدة، وبيعرف الكاشير وش المنتجات المتوفرة وبأي موقع بالضبط!
شفت الوقت اللي قضيته وإنت تقرأ هذه المدونة؟ مع ميزة قارئ الفواتير الذكي بتقدر تسجل فواتير المشتريات بوقت أقصر من كذا بكثييييير!
برنامج رِواء مو بس يطوّر لك مميزات مهمة في إدارة تجارتك، ولكن موفّر لك أكثر من 200 مقالة في مدونة تخليّك مطلّع على أهم المواضيع مثل: تقنيات استقبال المدفوعات SoftPOS، واشتراطات البلدية للمحلات التجارية، والفوترة الإلكترونية بكل مراحلها الأولى والثانية وغيرها مواضيع كثيرة!
يعني مهما كان نوع نشاطك التجاري واحتياجاتك، بتلقاها كلها متوفرة بطريقة سهلة وبسيطة، اعطي تجارتك حقها وجرّب برنامج رِواء الآن.
أسئلة شائعة عن قارئ الفواتير الذكي في برنامج رِواء
تختلف المدّة حسب حجم الفاتورة، لكن تتراوح تقريبًا بين 10 إلى 30 ثانية فقط!
راح يظهر لك القارئ بيانات هذا المورّد مع تنبيه بإن المورّد غير مسجّل عندك في النظام، ومنها تقدر تضيفه كمورّد جديد من نفس الصفحة مباشرة وبكل سهولة.
بعد ما يحلل القارئ بيانات المنتج ويعكسها لك في النظام، راح يظهر لك خيار تحديد اسم المنتج، ومنه تقدر تضغط على اسم المنتج، وتحدد اسم المنتج المسجّل عندك بالنظام، وبكذا راح تتحدّث كمية المنتج بكل سهولة.
راح يظهر لك القارئ بيانات هذه المنتجات بكمياتها وتكاليفها وراح يظهر لك تنبيه بإن المنتج غير مسجّل عندك في النظام، ومنها تقدر تضيفه كمنتج جديد من نفس الصفحة مباشرة وبكل سهولة.
