يوم يجي العميل يدوّر منتج وما يلقاه، ويوم تتوهق بكمية منتجات زايدة محد اشتراها للحين! هذه من مشاكل سلاسل الإمداد اللي تسبب لك احراج مع العملاء، وتكدّس للمخزون اللي يمثّل الأصول المتداولة، وفوقها تكلفّك ماديًا لأنك تفوّت مبيعات من جهة، وتخسر على تخزين منتجات زايدة عن الحاجة من جهة ثانية!
وعشان نريّحك من هم هذه المشاكل كلها، جهّزنا لك مدونة تعطيك الزبدة عن سلاسل الإمداد، وأكثر المشاكل اللي يواجهونها تجّار مثلك وحلول بسيطة لكل مشكلة، وبالنهاية راح تعرف كيف ممكن تستفيد من برنامج رِواء في تسهيل إدارة مخزونك.
وش مراحل سلاسل الإمداد اللي يمرّ فيها منتجك؟
سلاسل الإمداد هي عبارة عن خطوات متسلسلة يمر فيها المنتج من أول ما يتم تصنيعه أو تجهيزه لحد ما يوصل لمحلّك أو مستودعك وتبيعه لعملاءك، ومعرفتك لكل مرحلة وتفاصيلها بيساعدك تعرف تتصرف وتتخذ القرار في حال صار تأخير أو عطل في واحدة من هذه المراحل.
1. التوريد
أول مرحلة تبدأ من الموردين اللي يوفّرون لك المواد الخام أو المنتجات الجاهزة لتجارتك، وفي هذي المرحلة، إنت كتاجر راح تتواصل مع الموردين وتطلب منهم يوفرون لك كمية محددة من المنتجات اللي تحتاجها.
2. التصنيع
إذا المنتج يحتاج تصنيع أو تعديل (مثل العطور وأكواب القهوة)، تتم هذه المرحلة في المصانع أو ورش العمل عشان يتم تجهيز المنتج للبيع، وطبعًا لو كانت منتجاتك جاهزة، ف ما راح تحتاج تتعامل مع أصحاب المصانع.
3. إدارة المخزون
في هذي المرحلة، تبدأ تسجّل فواتير مشترياتك في نظام إدارة المخزون بحيث يكون عندك نظرة واضحة عن الكميّات المتوفّرة من كل منتجاتك وفي أي موقع، وبحسب خبرتك السابقة بنوعية المنتجات الأكثر مبيعًا، راح توفّر كميّات أكبر منها للبيع في المستقبل!
4. التخزين
بعد تسجيلك لفواتير المشتريات واستلامها، تنتقل لمرحلة اسمها التخزين، وفي هذي المرحلة تبدأ تخزن منتجاتك في مستودعات أو مخزن المحل قبل ما تعرضها للبيع، وهذه المرحلة مهمة لأنها تضمن لك توفير مخزون كافي لطلبات العملاء.
5. النقل والتوزيع
في هذي المرحلة لو كانت منتجاتك مخزّنة في مستودعات، تبدأ تنقلها إلى محلّك أو نقاط البيع التابعة لتجارتك، وهذا يشمل عملية الشحن، وطبعًا لو كان عندك فروع في مُدن مختلفة، الأفضل إنك توفّر خدمة النقل السريع عشان تضمن وصول المنتجات بدون تأخير.
6. العرض والبيع
آخر مرحلة هي إنك تعرض وتبيع منتجاتك سواء من المحّل أو المتجر الإلكتروني، ومنها توصل المنتجات لأيدي العميل النهائي، ولو حصلت أي مشكلة في المنتج وقتها، راح يكون التعامل بينك وبين العميل النهائي مباشرة.
مشاكل شائعة في سلاسل الإمداد وطريقة حلّها!
لما تواجهك مشكلة في أي مرحلة من مراحل سلاسل الإمداد، لازم تكون مستعد إنك تحلّها بأقرب وقت عشان تقلل من أي أثر سلبي لها على تجارتك، وهنا نشاركك بعض المواقف اللي ممكن يواجهها تجّار كثير مثلك، وطريقة حلّ كل مشكلة باختصار!
المورّد للحين ما وصّل الطلبيات!
الحلول
تعامل مع مورّد بديل
مهّم يكون عندك علاقات جيّدة مع أكثر من مورّد، عشان لو تأخرت طلباتك من المورد الأول، تتواصل مع غيره وتعوّض المنتجات المتأخرة، أو ممكن تتفاوض مع المورّد الحالي وتطلب منه شحن طارئ مقابل رسوم رمزية، أو على الأقل تعويض على التأخير.
وفّر مخزون احتياطي
مع كل طلبية، حاول توفّر منها مخزون إضافي عشان يكفيك لفترة أطول، خصوصًا لو كان المخزون لمنتج مبيعاته عالية وعليه طلب دائم، عشان تضمن إن مبيعاتك ما توقف بسبب تأخير المورّد، أو ممكن تتواصل مع المورّد قبل نفاذ المنتج عشان يوفّره لك بوقت مبكّر وما تتعرض لمشاكل التأخير.
المخزون ناقص وطلبات العملاء كثيرة!
الحلول
استخدم نظام ذكي في إدارة المخزون
تعامل مع أنظمة ذكية في إدارة المخزون مثل برنامج رِواء، توفّر لك هذه البرامج ميزة مهمة وهي “تنبيهات نفاذ المخزون”، وترسل لك تنبيهات تخبّرك فيها إن المنتج “أ” على وشك النفاذ، وهذا يساعدك ترفع طلبية شراء جديدة من وقت مبكّر وتتجنب مشاكل تأخير الموردين.
روّج لمنتجات بديلة
أغلب المنتجات لها بدائل تأدي الغرض ولو لفترة مؤقتة على الأقل، ف لو نقص مخزونك لأحد المنتجات، تقدر تطلق حملات بطرق التسويق الحديثة تروّج فيها لمنتجات بديلة متوفّرة في المخزون ممكن يستفيدون منها عملائك لحد ما توصل الطلبيات الجديدة.
المصاريف أكثر من المعتاد!
المصاريف الزايدة ممكن تكون بسبب ارتفاع رسوم الشحن، أو بسبب المخزون الفائض اللي يحتاج منك تشتري مستودعات تخزين بمساحة أكبر.
الحلول
راجع عقودك مع الموردين
تأكد من شروط العقد اللي اتفقتوا عليها معقولة بالنسبة لك، وحاول تتفاوض مع المورّد على أسعار أنسب لك بحيث تقلل على نفسك التكاليف التشغيلية.
تعامل مع موردّين محليين
وسّع شبكة معارفك وابدأ بالتعامل مع مورّدين محليين في المملكة عشان تقلل على نفسك تكاليف الشحن من الخارج للمنتجات المستوردة.
جودة المنتجات سيئة!
ممكن تلاحظ اختلاف في جودة المنتجات اللي استلمتها من المورّدين، وهذا بيأثر بشكل كبير في تجربة عميلك النهائي، يعني ضروري تتأكد من إن جودة منتجاتك إما مثل المعتاد أو أفضل، لكن مو أقل.
الحلول
افحص جودة المنتجات قبل تستلم الشحنة
عشان تضمن حقوقك وتتفادى كثرة الإجراءات بينك وبين المورّدين، اتفق معهم على خطوة فحص الجودة لكل شحنة قبل ما تستلمها عشان تتأكد إن المنتجات مطابقة لمعايير الجودة وسعرها فيها.
اطلب تعويض أو استبدل المنتجات
في حال ما كان بينك وبين المورّد اتفاقية مسبقة، اطلب منه تعويض مالي بدل الشحنة أو استبدل المنتجات.
مشاكل سلاسل الإمداد زايدة!
الحلول
قللّ اعتمادك على المنتجات المستوردة
تركيزك على منتجات المورّدين المحليين في المملكة، بيساعدك تتجنب الخطوات المعقدة والطويلة اللي تمر فيها سلاسل الإمداد، وبالتالي بتقلل نسبة حدوث المشاكل في بعض المراحل.
استخدم نظام تتبع الشحنات
أيًا كانت شركات توصيل الشحنات اللي تتعامل معها، تأكد من إنها توفّر لك نظام تتيّع الشحنات عشان يعطيك معلومات مباشرة عن مكان شحناتك والموعّد المتوقع لوصولها، بكذا يكون عندك خبر لو حصلت أي مشكلة، وتقدر تحلّها بدون تأخير.
كيف يساعدك برنامج رِواء في حل مشاكل سلاسل الإمداد؟
تنبيهات نفاذ المخزون
من أهم مميزات برنامج رِواء إنه يربط عمليات الكاشير بالمخزون، يعني مع كل عملية بيع أو شراء، النظام يحدّث عدد كل منتج بحسب موقعه، سواء في الفرع، المستودع، المتجر الإلكتروني، أو أي نقطة بيع عندك، بالتالي يرسل لك تنبيهات مثل: “المنتج “أ” على وشك النفاذ في فرع “أ”، ويساعدك تطلب شحنة جديدة منه.
عرض المنتجات الأكثر مبيعًا
بنظرة واحدة على لوحة التحّكم في منصة رِواء، تقدر تعرف منتجاتك الأكثر مبيعات، وتقدر تفلترها وتعرف هي أكثر مبيعًا في الفرع أو المتجر، وهذا بيعطيك صورة واضحة عن تفضيلات العملاء خلال هذا الموسم، ويساعدك تعرف وش المنتجات اللي تحتاج تطلبها بكميّات كبيرة من موردينك.
تسهيل التعامل مع المورّدين
مع كثرة المورّدين والمنتجات، تحتاج نظام يوثّق لك أسماء الموردين وطرق التواصل، ويصنّف لك المنتجات بأسعارها بحسب المورّد والوقت اللي طلبتها واستلمتها فيه، ونظام رِواء مخصص لك صفحة كاملة لبيانات المورّدين تعرض المبالغ المستحقة من وإلى كل مورّد وصافي المبلغ مع كشف حساب جاهز.
إطلاق وإدارة العروض الترويجية
من أحد أفضل الحلول لمشكلة المخزون الفائض هو إنك تطلق عروض ترويجية تصفّي بها مخزونك، ونظام رِواء مو بس ينبّهك بكميّات المخزون، إلا إنه يوفّر لك تطبيق العروض الترويجية داخل المنصة، ويساعدك تطلق عروض وخصومات على منتجاتك من نفس البرنامج اللي تدير منك مخزونك!
ربط مخزون الفرع بالمتجر الإلكتروني
من أكبر التحديّات في سلاسل الإمداد، هو إنك تدير المخزون بين الفرع والمتجر الإلكتروني، وهنا يجي دور برنامج رِواء اللي يربط لك بين مخزون الفرع، والمتجر الإلكتروني، يعني مع كل عملية بيع أو شراء من الفرع، بتتحدث الكميات المتاحة في المتجر الإلكتروني تلقائيًا.
بالنهاية عشان تقدر تتعامل مع كثرة مشاكل سلاسل الإمداد، تحتاج نظام متكامل لإدارة المخزون!
ورِواء برنامج يجمع لك إدارة المخزون والكاشير والمحاسبة، ويوفّر لك مصادر متنوعة عن مواضيع في الفوترة الإلكترونية، واشتراطات البلدية للأنشطة التجارية، والأفكار التسويقية لمواسم مثل اليوم الوطني السعودي، أو حتى مواضيع تشمل أحدث التقنيات مثل SoftPOS لأجهزة المدفوعات.
يعني مهما كان نوع نشاطك التجاري واحتياجاتك، بتلقاها كلها متوفرة بطريقة سهلة وبسيطة، اعطي تجارتك حقها وجرّب برنامج رِواء الآن.
أسئلة شائعة عن نظام إدارة المخزون في رِواء وسلاسل الإمداد
بعد ما تضيف كل منتجاتك في منصة رِواء، تقدر تنشر منتجات المتجر الإلكترونية سواء زد أو سلّة بضغطة زر، وتقدر تستلم الطلبيات الجديدة عن طريق المنصة وتتابع حالتها بكل سهولة.
سلاسل الإمداد تشمل كل الخطوات من بداية توفير المواد الخام، إلى تصنيعها وتخزينها لين توصل للعميل النهائي، أما اللوجستيات فهي جزء من سلاسل الإمداد، وتركز على إدارة النقل والتخزين وتوصيل المنتجات بأسرع وقت وأقل تكلفة عشان توصل للعميل بوقتها وبجودة عالية.
تقدر تطلب عينات عشوائية وتفحص المنتجات اللي لها تاريخ صلاحية، خاصة إذا كانت للسوبرماركت أو البقالة، وتأكد من سلامة التغليف وإنه غير تالف، أو معرّض للعفن أو التسريب، وبوقت ترتيب المنتجات على الرفوف، خلّي الأقدم في المقدمة عشان تبيعها أول.
