ناوي تفتح محل تجاري جديد غير اللي عندك؟ جاك العوض وصار التوسّع أسهل وإجراءاته أبسط خصوصًا مع النظام الجديد اللي أطلقته وزارة التجارة “تعديل السجل التجاري” بهدف اختصار وتسهيل التجارة على أهل البلد وتقليل التكاليف الجانبية!
يعني بهالمدونة راح نعرف زبدة تعديل السجل التجاري والنظام الجديد وأهم مكتسباته، والفرق بين النظام القديم والجديد، ودور رِواء في تسهيل إدارة أنشطتك التجارية، والإجابة على أهم الأسئلة الشائعة بخصوص النظام الجديد.
وش سالفة تعديل السجل التجاري والنظام الجديد؟
أيام أول، كل ما يجي التاجر يوسّع رزقه ويفتح محل جديد، يضطر يعيد كل خطوات إصدار سجل تجاري من جديد، وبعد إجراءات طويلة ومعقدة، يصدر سجل تجاري فرعي جديد لمحل هو أصلًا يملكه وعنده نفس رقم الإقرار الضريبي!
وش قررت وزارة التجارة؟
بادرت وزارة التجارة ونزلت قرار ينص على “توحيد السجلات التجارية”! يعني بدل 9 سجلات فرعية مثلًا، صرت تقدر تفتح محلّات جديدة،وتضيفها لسجلّك الأساسي، وتديرها بكل سهولة من سجل تجاري رئيسي واحد!
وعشان تجربة إصدار وإدارة السجل التجاري تكون عملية أكثر وأسهل عليك، أصدرت الوزارة قرارات إضافية مع توحيد السجل التجاري.
أهم تحديثات نظام تعديل السجل التجاري الجديد
إلغاء السجلات الفرعية
من باب تخفيف الأعباء المالية عليك، قررت الوزارة إلغاء إصدار سجلات فرعية بنشاطك، وكل تاجر يقدر يكتفي بسجل تجاري واحد على مستوى المملكة يجمع له كل فروعه وأنشطته المتنوعة تحت رقم واحد، بكذا تكون وفّرت تكاليف إصدار وتجديد السجل التجاري بشكل منفصل في كل مرّة، وقللت الإجراءات بشكل كبير.
إنشاء قاعدة بيانات مركزية
التحديّث اللي قدّمته الوزارة بقاعدة البيانات المركزية إنها صارت لك وسيلة تتأكد منها من موثوقية الناس اللي تتعامل معهم، سواء مورّدين أو تجّار مثلك أو مستثمرين أو شركاء. برقم السجل التجاري فقط، تقدر تتأكد إن كان مسجّل بشكل رسمي بوزارة التجارة، وإنه مرتبط بمجال نشاطك التجاري.
تصحيح السجلات الفرعية القائمة
عندك سجلّات فرعية قائمة من أول؟ مع النظام الجديد صار عندك مهلة لمدة 5 سنوات عشان تصحّح سجلاتك وتكتفي بسجل واحد رئيسي بهذه الطرق:
إلغاء تجديد السجل واعتماد التأكيد السنوي
الحين ما تحتاج تجدد سجلك التجاري لأنه مع النظام الجديد ما عليك غير تأكيد سنوي لبيانات السجل بشكل إلكتروني كل 12 شهر من تاريخ إصدار السجلّ، ولو حصل تأخير بتأكيد البيانات، ف ما راح يتم تعليق السجل إلا بعد 3 شهور، ولو استمر التعليق لمدة سنة بدون تحديث، وقتها يتم شطب السجل تلقائيًا من وزارة التجارة.
استبدال إجراءات العقوبات
الحين بدل الغرامات المالية اللي كانت تٌفرض مباشرة على التجّار المخالفين، صار فيه إجراءات بديلة تساعدك تكمّل شغلك بدون تعطيل أو تكاليف زايدة مثل رسوم تعديل السجل التجاري، ومنها:
- توجيه إنذار أولي للتاجر كـ تنبيه بالمخالفة
- إلزام التاجر بتصحيح الخطأ قبل فرض العقوبة
وهذه الإجراءات ممكن تكون جاية مع العقوبة الأساسية أو بدالها، لأن الهدف منها دعمك كتاجر وضمان التزامك بأنظمة الوزارة، وتشغيل نشاطك بطريقة صحيحة.
كيف تساعدك رِواء بإدارة نشاطك التجاري؟
3 أنظمة ببرنامج واحد!
يعني نجمع لك الكاشير، وإدارة المخزون، والمحاسبة ببرنامج واحد يغنيك عن كثرة الاشتراكات، وفوقها نوفّر لك مميزات أكثر مثل: إدارة وتطبيق العروض الترويجية، خدمة عملاء 24/7، والربط مع المتاجر الإلكترونية وبرامج نقاط الولاء، وغيرها كثير.
التوافق مع الفوترة الإلكترونية بكل مراحلها!
بمجرد إشتراكك في برنامج رِواء تلقائيًا بيكون لك الصلاحية وبشكل مجاني إنك تربط نشاطك بهيئة الزكاة وتكون متوافق مع الفوترة الإلكترونية بكل مراحلها.
مشاركة أهم أخبار السوق والتجارة
مثل ما جهزنا هذه المقالة واختصرنا لك سالفة تعديل السجل التجاري والنظام الجديد، عندنا مدونة توصل لأكثر من 200 مقالة، غطينا فيها أهم مواضيع التجارة، واشتراطات البلدية، وقصص النجاح وغيرها من المواضيع اللي تهمك.
بالنهاية شفنا كيف النظام الجديد “تعديل السجل التجاري” جاء عشان يسهّل شغلك ويقلل تكاليفك، وتطبيقه اليوم قبل بكرة بيريحك من إجراءات كثيرة ومعقدة للأبد! وباشتراكك في برنامج رِواء راح تستفيد من كل ميزة ممكن تحتاجها بتجارتك من شاشة واحدة فقط!
يعني مهما كان نوع نشاطك التجاري واحتياجاتك، بتلقاها كلها متوفرة بطريقة سهلة وبسيطة، اعطي تجارتك حقها وجرّب برنامج رِواء الآن!
أسئلة شائعة عن نظام تعديل السجل التجاري
يبدأ تطبيق نظام السجل التجاري الجديد بعد 180 من تاريخ نشره في الجريدة.
إما بالتنازل عن السجل الفرعي لمالك جديد ويصير سجله الرئيسي (للمؤسسات فقط)، أو تحويل السجل الفرعي لشركة جديدة منفصلة ولها سجل تجاري خاص بها (للمؤسسات والشركات)، أو شطب السجل الفرعي ونقل أصوله وأنشطته للسجل الرئيسي (للمؤسسات والشركات).
أهم خطوة لتحديث السجل التجاري هي تصحيح السجلات الفرعية، وبتتضح خطواتها بشكل مفصّل قريب ووقتها راح نشارككم هذه الخطوات بشكل مبسّط بهذه المقالة.