موسم العيد يعتبر من أقوى الفرص اللي تمر على التاجر خلال السنة. الطلب يرتفع والمبيعات تزيد والفرص تتفتح. لكن الربح ما يجي بالحظ، لازم له ترتيب وتجهيز وحرص على طرق التسويق الحديثة من بدري. في هذا المقال، بنمشي معك بخطوات واضحة على طرق تساعدك ترفع أرباحك وتستفيد من الموسم قبل لا يدخل.
حضّر تجارتك قبل الزحمة
راجع البضاعة المطلوبة للموسم
حدّد المنتجات اللي تمشي وقت العيد، وتأكد إنها موجودة بكميات تكفي. لا تنتظر لآخر لحظة، خلّيك جاهز من بدري.
اختصر الطريق مع المورّد الصح
اختيارك للمورد المناسب يسهّل عليك التوريد ويوفّر عليك مصاريف مالها داعي. تأكد من الأسعار والتوصيل والجودة.
قلل التكاليف بخطة واضحة
كل ما ضبطت تجهيزاتك من بدري، قدرت ترتب مصاريفك وتتجنب الهدر. هذا الشي يرفع مكسبك آخر الشهر.
عدّل أسعارك بذكاء
راجع الأسعار حسب السوق
لا تمشي على سعر قديم. ادرس السوق وشوف اللي تغيّر، وقارن مع غيرك، ورتب الأسعار بطريقة ترضيك وترضي العميل.
احسب ربحك من كل منتج
بعض المنتجات ربحها عالي وبعضها لا. إذا عرفت الفرق، تقدر تركّز على اللي يرفع ربحك من خلال استخدام برامج محاسبة تفيدك وتسهّل عليك.
نزّل عروض محسوبة
ارفع مبيعاتك مع العروض الترويجية وانتبه بدل ما تكسر السعر وتطيّحه، فكّر بعرض يجذب الزبون وما ينقص ربحك. مثل: “اشتر بقيمة معينة ولك هدية”، أو “خصم على مشترياتك كاملة”.
سوّق بذكاء وجاذبية
العرض القوي يرفع المبيعات
الناس تشتري بعينها. خلي العرض واضح ومغري، وبكذا الناس تحس إنها طلعت بشي يستاهل.
ابدأ التسويق بدري
لا تنتظر الزحمة، ابدأ التسويق من بدري. عرّف عملائك إنك جاهز، وابدأ الحملة قبل العيد بوقت كافي.
اختار الوسيلة اللي توصّلك لعميلك
ما فيه طريقة واحدة تنفع مع الكل. شوف عميلك وين يتواجد وركّز عليه، سواء كان متسوّق من الجوال أو داخل المحل أو من خلال كلام الناس أو من خلال العروض الترويجية
جهّز فريقك ونظّم وقتك
قسّم المهام بوضوح
رتب الوضع بحيث يكون كل واحد يعرف وش له ووش عليه من بدري. لا تخلّي الأمور تمشي بعشوائية في وقت الزحمة.
تابع كل يوم بيومه
راقب المبيعات من خلال برنامج مبيعات والبضاعة، وردود العملاءبشكل يومي. أي تأخير أو خلل، تصيده من بدري وتتصرف.
ركّز على الشغل اللي يجيب دخل
خلال المواسم، كل دقيقة تفرق. خلّ وقتك يمشي على الشغل اللي يرفع الدخل، مو على الأمور الجانبية.
كيف تساعدك رِواء في زيادة الأرباح؟
تعرف المنتجات اللي تمشي واللي واقفة
من خلال تقارير البيع، تقدر تفرّق بين المنتجات اللي عليها طلب، واللي بس تآخذ مكان بدون فايدة.
تراقب الكمية لحظة بلحظة
ما تحتاج تنتظر أحد يقول لك وش باقي. كل شيء قدامك مع نظام إدارة المخزون، تقدر تعرف وش ناقصك وتطلبه قبل لا يخلص.
تنظّم العروض بطريقة مرتبة
إذا عندك خصومات أو باقات، تنعرض بشكل واضح عند الكاشير، وتنعكس على الفاتورة بشكل مفهوم.
تشوف كل فروعك بمكان واحد
لو عندك أكثر من فرع، أو تبيع بأكثر من طريقة، كل التفاصيل تكون قدامك وتقدر تتابعها بسهولة.
أسئلة شائعة عن زيادة الأرباح وقت العيد
كل ما بدأت بدري، كل ما كانت فرصك أعلى. الأفضل تبدأ الترتيب قبل الموسم بثلاث أسابيع على الأقل، عشان تضمن توفر البضاعة وترتيب العروض وتنظيم الفريق.
العروض الذكية. الزبون وقت العيد يشتري بكثرة، لكن يحتاج سبب يختارك. خصومات مدروسة، باقات جذابة، وهدايا مع المشتريات كلها ترفع معدل البيع.
اللي يربح في العيد، هو اللي يرتب أموره من بدري، ويعرف وش يمشي عنده، ويشتغل على اللي يزيد دخله. كل إجراء تخطط له بتركيز بيسوي فرق واضح في نهاية الموسم. ومع رِواء, ما يحتاج تشيل هم التفاصيل، لأن كل شي قدامك وتحت عينك.
