نهاية السنة هو أهم وقت للتاجر، فيها يلخّص نتايج جهده طول السنة، يعرف أرباحه وتكاليفه، ويرحّل قيود الإقفال للسنة المالية، ويبدأ يخطّط للسنة الجديدة ويشوف كيف كانت مبيعاته السنوية، وش اللي نجح من منتجاته ووش اللي خسر فيه. وهنا يجي دور الجرد السنوي للمخزون في متابعة كل أرقامك.
ما يخفى عليك إن المخزون هو واحد من أصول نشاطك، وأي خطأ في تسجيله أو حسابه يأثر على تقاريرك المالية، عشان كذا لازم تجرد مخزونك بشكل دوري وتضمن أرقامك. كتبنا لك هذه المقالة اللي بنشرح فيها الجرد السنوي وأنواعه، وكيف برنامج إدارة المخزون من رِواء يساعدك تسهّل عملية الجرد السنوي!
وش هو الجرد السنوي وأيش أنواعه؟
معنى الجرد السنوي هو عملية حصر المنتجات اللي عندك في المخزون بنهاية السنة، عشان تتأكد من الكميات والتكلفة وتعكسها في حساباتك. الهدف الأساسي هو مراجعة الكمية اللي اشتريتها مقابل الكمية اللي بعتها وكم التكلفة اللي صرفتها على منتجاتك، وبناء خطة مخزون السنة الجديدة وسلاسل الإمداد.
أنواع الجرد:
- الجرد الدوري: يكون في فترات محددة ومتكررة، كل شهر أو ربع سنة، لمتابعة المخزون وتحديثه.
- الجرد السنوي: يكون مرة وحدة بنهاية السنة لمراجعة التقارير المالية وحساب الكميات والتكاليف.
- الجرد المفاجئ: يكون بدون تخطيط لكشف عمليات السرقة أو للتأكد من تواريخ صلاحية المنتجات.
- الجرد عند تغيير الموظف: يكون قبل خروج مسؤول المخزون لضبط الكميات قبل التوظيف.
وش أهمية الجرد السنوي؟
خلينا نتخيّل أننا بدأنا سنة جديدة، وفي الشهر الثالث اكتشفت عندك 100 قطعة من منتج معين مو من طلبية منتجات هذه السنة، ما تدري من متى عندك وراح تحسب تكلفتها في غير وقتها. هنا نعرف أهمية الجرد السنوي لمتابعة أداء المخزون:
1. يضبط دقة أرقام سجلاتك:
يتحقق لك من دقة سجلات مخزونك ويساعدك في تحديد أي اختلافات بين أرقام السجلات والكمية في الواقع، وهذا يقلّل الأخطاء في مراجعة السجلات بالمستقبل ويحميك من مخاطر المخزون.
2. يساعدك في التخطيط لمخزونك:
يوفر لك بيانات دقيقة وتقارير تساعدك في تطوير استراتيجيات المخزون للسنة الجديدة عشان تعرف احتياجات العملاء وتوفّر كميات تتناسب مع مبيعاتك.
3. يحدّد أرباح تجارتك بشكل دقيق:
يساعدك في تحديد قيمة الأرباح الإجمالية في نشاطك لأنه يساعدك تحدد الخساير الناتجة من البضاعة التالفة أو المفقودة، واللي بيساعدك في تحديد المصروفات وصافي الدخل بشكل صحيح.
4. يكشف حالات السرقة والاختلاس:
يضمن لك أمان العمليات ويمنع التلاعب أو حالات السرقة اللي ممكن تصير، ويساعدك تتابع مخزونك وتعرف كميات منتجاتك أول بأول.
كيف أحسب صافي الربح بعد الجرد السنوي؟
عملية الجرد بشكل عام تساعدك تعرف التكاليف وصافي الربح اللي يساوي الفرق بين المبيعات والمصروفات. طيب كيف تحدد صافي الربح والتكاليف بعد عملية الجرد السنوي؟ خلينا نفترض إن عندك محل وهذه أرقامه:
- تكلفة البضاعة المباعة: 20,000 ريال
- تكاليف الجرد: 30,000 ريال
- مصروفات أخرى (فواتير، رواتب، وغيرها): 50,000 ريال
- الإيرادات أو المبيعات: 150,000 ريال
راح نبدأ أول شيء بحساب تكلفة المصروفات باستخدام المعادلة:
تكلفة البضاعة المباعة + تكاليف الجرد + مصروفات أخرى (فواتير، رواتب، وغيرها) = المصروفات
يعني: 20,000 + 30,000 + 50,000 = 100,000 ريال
بعدها نبدأ بحساب صافي الربح باستخدام المعادلة:
إجمالي الإيرادات – إجمالي المصروفات = صافي الربح
يعني: 150,000 – 100,000 = 50,000 ريال
وبكذا عرفنا إن تكلفة المصروفات كانت 100,000 ريال، وصافي الربح طلع معنا 50,000 ريال.
برنامج رِواء: شريكك الأمثل للجرد السنوي
إذا كنت تسوي الجرد السنوي للمستودعات عن طريق جرد يدوي فأكيد تعرف كمية الوقت والجهد اللي يستنزفه منك، وتعرف فوائد نظام إدارة المخزون. بس الحين كثرت برامج إدارة المخزون، وش اللي تقدر تشترك فيه وأنت مرتاح وواثق أنك بتضمن معه تجارتك؟
تعرف المثل الشعبي اللي يقول حط ببطنك بطيخة صيفي؟ اليوم حنا في رِواء نقول لك ازهل مخزونك وأرقامك مع برنامج إدارة المخزون بمميزات كثيييرة تسهّل لك جرد مخزونك!
مميزات برنامج إدارة المخزون من رِواء:
1. جرّب اللي يريحك مع 3 طرق لجرد المخزون
- باستخدام الباركود: سهل وسريع، كل اللي عليك تمسح الباركود على المنتج وينضاف بالنظام.
- استيراد من إكسل: إذا كنت مسوي الجرد في ملف إكسل، تقدر تستورد البيانات مباشرة للنظام.
- الجرد اليدوي: الطريقة التقليدية، تدخّل الكميات يدويًا بنفسك وتضيف المنتجات في النظام.
2. حساب كميات المنتجات تلقائيًا
عشان تتأكد إن حسبة الجرد صحيحة وتعرف كم المفروض تكون كميات منتجاتك؛ برنامج رِواء يعطيك الرقم المتوقع لكل منتج بعملية تلقائية بعدما يحسب مبيعاتك، وفوقها راح يحسب لك الفرق بين كمية المنتجات في الواقع والكمية اللي جردتها، ويوضّح لك كل شيء بدون ما تضيع وقتك في العمليات اليدوية.
3. اجرد اليوم وكمّل بكرة مع ميزة “الحفظ لاحقًا”
لو عندك منتجات كثيرة والجرد ياخذ وقت طويل، تقدر تبدأ الجرد اليوم وتضغط على زر “الحفظ لاحقًا” وتكمّل بكرة، أو بعد أسبوع, أو متى ما تبي! بياناتك كلها بتكون محفوظة بالنظام زي ما خليتها، بس ننصحك توقّف البيع أثناء فترة الجرد عشان ما تتغير كميات المخزون في النظام.
4. تقارير شاملة تساعدك تقفّل السنة صح
ضبط أرقام الأمور المالية والمخزون نهاية كل سنة هو هدف كل تاجر، ورِواء هي اليد اليمين لكل تاجر! برنامج رِواء يقدّم لك تقارير تختصر عليك شغل كثير وتساعدك بمتابعة قائمة الدخل وغيرها من التقارير مثل تقرير ملخص جرد المخزون اللي يعطيك تفاصيل المنتجات اللي جردتها، الكمية المتاحة والمجرودة، واسم الفرع اللي صارت فيه العملية.
5. دعم فني متى ما احتجته
احتجت مساعدة أثناء عملية الجرد السنوي وودّك بخبير يساعدك؟ قررت تجرد بالليل وشايل هم ما تلقى دعم فني يرد عليك؟ أفا عليك! رِواء تقدم لك فريق دعم فني جاهز دايمًا يساعدك ويرد عليك بأي وقت.
أسئلة شائعة عن الجرد السنوي وبرنامج رِواء
الجرد السنوي هو لمراجعة مخزون السنة كاملة وضبط القيود المحاسبية، بس الأفضل إنك تحاول تجرد بشكل دوري كل شهر أو ربع سنة عشان تتفادى أي مشاكل كبيرة مثل ركود المنتجات أو انتهاء صلاحيتها قبل نهاية السنة.
- يحسب لك الكميات والتكاليف المتوقعة تلقائيًا حسب فواتير الشراء والمبيعات.
- يقدم لك تقارير دقيقة توضح الفروقات بين الكميات الفعلية في مخزونك والمتوقعة.
- يحفظ بيانات الجرد أول بأول إذا احتجت توقّف وتكمّل بعدين.
اللي مع رِواء ما يعرف الصعب لو مخزونه أكبر من الكبير! لأن عملية الجرد سهلة وتقدر تسويها بـ 3 طرق تختار منها اللي يريحك: جرد يدوي، باستعمال الباركود، أو استيراد من إكسل.
- قارن النتائج مع بيانات النظام عشان تحدد الفروقات.
- راجع أسباب النقص أو التلف في المخزون واعرف خطوتك الجاية.
- استفيد من التقارير عشان تخطط لمخزون السنة الجديدة.
