أهم نظامين أطلقتهم وزارة التجارة في نهاية 2024 هم نظام الأسماء التجارية ونظام تعديل السجل التجاري، وجاء نظام التسمية الجديد كـ حل لتحدي كان يواجه أغلب التجّار وقت اختيار أسماء محلّاتهم التجارية!
الكل بدون استثناء عنده اسم لمحل تجاري عالق بذهنه، مثل الاسم اللي جاء ببالك الحين! ولأن الاسم المختلف والجديد يأثر بقوة على انتباه العملاء ويبقى حاضر في أذهانهم، يجي دور نظام التسمية الجديد، اللي مو بس يساعدك تختار اسم مميز، لكنه يحميه لك من التقليد، حتى قبل ما تفتح محل تجاري!
وش فكرة نظام الأسماء التجارية الجديد؟
عشان تبدأ نشاط جديد وتثبت حضورك بالسوق السعودي، تحتاج اسم مميز يعبّر عن نشاطك ومنتجاتك ويميّزك عن باقي المنافسين قبل تصدر السجل التجاري الإلكتروني، وهذا هو السبب اللي شجّع وزارة التجارة إنها تطلق نظام الأسماء التجارية الجديد اللي يطبّق أفضل الممارسات العالمية!
وش أهداف نظام الأسماء التجارية الجديد؟
النظام الجديد مو بس مجرد قوانين، هو خطوة للأمام في تنظيم الأسماء في السوق السعودي عن طريق:
- معالجة حالات تشابه الأسماء التجارية
- حماية أسماء وحقوق التجار
- إعطاء الاسم التجاري قيمة وموثوقية
يعني النظام الجديد مُصمم عشان يدعمك، يحفظ حقوقك، ويرفع من قيمة هويتك التجارية في بين المنافسين!
مميزات نظام الأسماء التجارية الجديد
مع النظام الجديد صار اختيارك للاسم التجاري أسهل وأكثر مرونة من أول، وفوقها يحمي حقوقك عشان تبني هوية تجارية مميزة. يعني النظام الجديد راح يساعدك عشان يكون…
اسمك التجاري .. حصري لك وبس!
يعني صرت تقدر تحجز اسمك التجاري لفترة محددة، وتقدر تمددها حتى لو باقي ما سجّلت نشاطك رسميًا.
اسمك يعبّر عنّك .. بكل حرية!
الحين تقدر تبتكر اسمك التجاري من كلمات عربية وغير عربية، أو حتى معرّبة أو تتكون من أرقام وحروف.
اسمك مستقل .. تتصرف به بسهولة!
يعني تقدر تتصرف باسمك التجاري بشكل مستقل تمامًا عن نشاطك نفسه، سواء تبيعه أو تتنازل عنه.
اسمك محمي .. قبل وبعد القيد!
يعني ممنوع لأي شخص إنه يستخدم اسمك التجاري بدون إذنك سواء كان محجوز فقط أو مسجّل.
اسمك مميّز .. بدون تقليد!
يعني محد يقدر يسجّل اسم تجاري مشابه لاسمك، حتى لو كان نشاطه مختلف عنك، والعكس صحيح.
اسمك أصيل وله معنى!
مع إطلاق منصة “خبراء اللغة العربية” اللي صمموها بشكل خاص عشان تساعدك في اختيار اسم تجاري مميز وأصيل بالثقافة والمعاني العربية.
كيف تساعدك رِواء في إدارة نشاطك التجاري؟
الكاشير وإدارة المخزون والمحاسبة ببرنامج واحد
رِواء يجمع لك أهم الأنظمة المطلوبة بإدارة نشاطك في برنامج واحد ويوفّر عليك كثرة الاشتراكات.
تطبيق العروض الترويجية وإطلاق الخصومات
اللي يسمح لك بتطبيق العروض الترويجية والخصومات، والترويج لمنتجات المحل أو المتجر الإلكتروني!
الربط مع منصات المتاجر الإلكترونية (زد – سلّة)
يسهّل لك نشر منتجاتك على المتجر الإلكتروني، واستقبال طلباتك على منصة رِواء، ومنها تديرهم بكل سهولة من شاشة واحدة.
يعني مهما كان نوع نشاطك التجاري واحتياجاتك، بتلقاها كلها متوفرة بطريقة سهلة وبسيطة، اعطي تجارتك حقها وجرّب برنامج رِواء الآن.
أسئلة شائعة عن نظام الأسماء التجارية الجديد
لا أبدًا، تقدر تسجّل السجل التجاري باسم مختلف تمامًا عن اسم المحل، يعني لو عندك سجل تجاري باسم “مؤسسة عبدالله للتجارة العامة”، تقدر تسمي محلّك مثلًا “الهديّة المميزة” أو “بيت العود” بدون ما يتطابق الاسم التجاري مع اسم المحل.
اسم السجل التجاري: هو الاسم الرسمي اللي تسجله عند وزارة التجارة وقت إصدار السجل التجاري، ويستخدم في التعريف القانوني بالمنشأة، ويظهر في العقود والفواتير والملفات الرسمية، مثل: مؤسسة خالد للتجارة العامة.
الاسم التجاري: هو اسم المحل اللي تستخدمه كواجهة قدام العملاء في التسويق، ويكون مختصر ومرتبط بنشاط المحل ويعبر عن العلامة التجارية، مثلًا: تحت “مؤسسة خالد للتجارة العامة”، يكون عندك محل باسم “عالم العطور الفرنسية” أو ” قهوة الصباح”.