المخزون الراكد من المشاكل اللي يواجهها كثير من التجار مع بداية السنة، وهذا الشيء يسبب ضغط على الأرباح، وممكن حتى يأثر على مشترياتك المستقبلية. وعشان تتحكم بمخزونك بشكل أفضل, في هذا المقال بنعطيك خطوات بسيطة ومباشرة لمعالجة المخزون الراكد فيها وتحوّل مشاكله لفرص تساعدك كيف تتعامل معه وتشوف فوائد نظام إدارة المخزون!
كيف تحوّل المخزون الراكد من مشكلة لفرصة؟
استخدم المخزون ببناء شراكات
بدل ما يبقى المخزون الراكد همّ عليك، فكّر بالشراكة مع جهات ثانية. مثلاً تواصل مع شركات تقدّم هدايا للعملاء أو موظفينهم أو منظمي فعاليات، وأعرض عليهم منتجاتك في المخزون الراكدة بأسعار أقل. كذا مو بس تتخلص من المخزون، لكن تبني علاقات تسويقية جديدة وتوسّع انتشار اسم مشروعك.
افحص مخزونك وشيّك المخزون الراكد
أول خطوة هي إنك تراجع المخزون الراكد عندك. تتأكد من تحديد المنتجات اللي عليها طلب منخفض أو ما تم بيعها لفترة طويلة. حاول تعرف أسباب الركود: هل المشكلة في السعر؟ الجودة؟ أو ممكن طريقة عرض المنتج؟ بناءً على هذا التقييم، تقرر إذا تحتاج تقلل السعر أو تعدّل أسلوب العرض. الخطوة هذي بتساعدك تآخذ قرارات دقيقة بدل ما تعتمد على التوقّع.
سوّق للمخزون الراكد
قدّم عروض خاصة وحصرية
فكر بعروض تحمّس العملاء ينتبهون للمنتجات الراكدة، مثل “لك 2 بسعر 1” أو “لا يفوتك خصم 50%”، هذي الطريقة تشد انتباه العملاء وتساعدك في تقليل المنتجات الراكدة، وكل ما كان العرض يلفت أكثر، كل ما زادت فرص البيع عندك، بالذات لو حددت مدة قصيرة تعزز فيها حس الاستعجال عند العميل.
ضيفها لباقات تجذب العميل
ادمج المنتجات الراكدة مع منتجات ثانية عليها طلب عالي. مثلاً، “خذ منتجك اللي تحبه ولك هذا المنتج الثاني بسعر يستاهلك”. الباقات تخلّي المنتج الراكد جزء من عرض يجذب العميل بدل ما يكون منتج مهمل، وهذي الطريقة مو بس تخلّصك من المخزون الراكد، لكنها تخليه أكثر أهمية للعميل كجزء من عرض يستاهل ويزيد من رضا العملاء.
اعرضها بقسم المنتجات المخفضة
لو عندك متجر إلكتروني، خصص قسم واضح للعروض أو المنتجات المخفّضة. خليه في مكان سهل يوصله العميل, مع عرض المنتجات الراكدة بشكل واضح. استخدم عبارات مباشرة زي “لا يفوتك العرض” أو “منتجات بأسعار رهيبة” عشان تجذب العميل أكثر.
تفاعل في وسائل التواصل الاجتماعي
التواصل مع عملائك من خلال السوشيال ميديا فرصة تحتاج تستغلها في التسويق الإلكتروني للمخزون الراكد، وتقدر تركز على تصاميم وصور توضّح العروض على مخزونك الراكد، مثل “منتجات بأسعار تعجبك لفترة محدودة!”. تقدر بعد تضيف قصص يومية (Stories) في منصة انستقرام تركز فيها على المنتجات بشكل سريع وتحمّس العملاء يتفاعلون معك.
كيف تساعدك رِواء في تقليل المخزون الراكد؟
جرد المخزون بأي وقت
سجّل جرد مخزونك بسهولة مع برنامج رِواء وبأكثر من طريقة تناسبك:
بطريقة يدوية
تسجّل بياناتك مباشرة
باستخدام قارئ الباركود
عشان توفّر وقت وتقلل أخطاء
من خلال استيراد ملف اكسل
لمعالجة كميات كبيرة بسهولة
ميزة تسهّل اكتشاف وحل مشاكل الجرد مثل نقص أو زيادة الكميات.
تنبيهات المخزون
رِواء يعطيك تنبيهات تلقائية للمنتجات اللي على وشك النفاذ, عشان تلحق تطلبها قبل ما تنفد. أما المنتجات اللي مبيعاتها ضعيفة، تقدر تعرفها من تقرير المخزون الراكد وتستخدمه عشان تقدم عليها عروض، تدمجها بباقات عروض ترويجية، أو ترتبها على رفوف المحل بطريقة تزيد فرص بيعها وتحرّك المخزون الراكد.
تقارير المبيعات
رِواء يوفر لك تقارير مبيعات مفصّلة عن أداء المنتجات، ومن خلالها تقدر تعرف وش المنتجات اللي تحقق أرباح أكبر، ووش المنتجات اللي تحتاج تركز عليها أو تسوّق لها زيادة عشان تتحرك.
أسئلة شائعة عن التعامل مع المخزون الراكد
تجنب مخاطر المخزون يعتمد على إدارة دقيقة، راقب مبيعاتك بشكل مستمر، واطلب الكميات المناسبة بناءً على الطلب الفعلي، وتقدر تستفيد من منصة رِواء اللي تساعدك تتابع حركة المخزون بشكل أفضل وتتجنب الركود.
لا، الخيارات كثيرة وممكن تقدّم المنتجات كهدايا مع منتجات ثانية، أو تضيفها في باقات بأسعار تجذب العميل، يعني الفكرة هي إنك تقدّمها بطريقة تجذب العملاء بدل ما تكون متروكة في المخزن بدون فائدة.
المخزون الراكد تحدي يواجه كثير من التجار، لكن مع إدارة المخزون بطريقة صحيحة، تقدر تحوّله من همّ عليك إلى فرصة تزيد مبيعاتك وتطوّر تجارتك. ومع نظام رِواء، إدارة المخزون تصير أسهل وأدق، وتضمن لك متابعة منتجاتك بشكل مستمر وتتفادى أي خساير. لا تخلّي المخزون الراكد يعطلك، استغل الحلول الذكية وابدأ خطوة جديدة مع رِواء!
