1. توفير التكاليف والمصاريف 

• الأندرويد: يتميز الأندرويد بسعره المعقول مقارنةً بجهاز الآيباد، وبكمية الخدمات اللي ممكن يقدمها لك، يقدر يجمع لك أكثر من جهاز بنفس الجهاز اللوحي، مثل الطابعة ومستقبل المدفوعات. فالسعر هنا منافس وفارق لأنه راح يكفيك شراء أجهزة ثانية ويقلّل المصاريف ويخدمك على المدى البعيد في سعر اشتراك البرنامج المحاسبي.
• الآيباد: على عكس الأندرويد، معروف عن آبل أنها ترفع أسعار أجهزتها بسبب سمعتها، وفوق السعر العالي يجي الآيباد بجهاز لوحي فقط، وبتحتاج تشتري الطابعة ومستقبل المدفوعات بشكل منفصل وتربطهم ببعض، وهذا يزيد التكاليف ويرفع سعر اشتراك الباقة للبرنامج المحاسبي.

2. المرونة وتخصيص النظام

• الأندرويد: ميزة الأندرويد هي المرونة العالية بتخصيص النظام، لأن مزود الخدمة يطلب من المصنع تخصيص النظام بطريقة تناسب احتياجات العميل، زي لما يضيف الطابعة ومستقبل المدفوعات. هذه الميزة تفيد أصحاب المقاهي والمطاعم اللي شغلهم يحتاج إعدادات خاصة. 
• الآيباد: عيب الآيباد أن ما فيه مرونة بتخصيص النظام لأنه ببساطة محدود من شركة آبل زي ما هو، فما يقدر مزود الخدمة يخصّص لك النظام بطريقة تناسب نشاطك، وهذا طبعًا يعيق شغلك.

3. الربط مع الأجهزة إضافية

• الأندرويد: يسمح لك الأندرويد تضيف أجهزة خارجية مثل شاشة البيع أو أي جهاز إضافي يحتاجه نشاطك، حتى لو مزود الخدمة ما وفره لك في باقة اشتراكك، لأن أجهزة الأندرويد فيها منافذ كثيرة تقدر توصّل فيها أي جهاز بسهولة.
• الآيباد: تصميم الآيباد يجي بمنفذ واحد بس، وهذا يخليه محدود في الربط مع أجهزة إضافية ويحد من مرونته، خاصة في نشاط المقاهي والمطاعم اللي يتطلب أجهزة متعددة، وبكذا راح تضطر تشتري قطعة إضافية عشان تقدر تربط فيها أي جهاز ثاني بالآيباد. 

4. الاتصال اللاسلكي بالطابعات

• الأندرويد: زي ما نعرف في قطاع المقاهي والمطاعم، كل قسم عنده طابعة عشان توصله فواتير الطلبات، وميزة الأندرويد هنا هي سهولة ربط الطابعات بسلاسة من نفس شاشة البيع، يعني ما يحتاج يطلع الموظف من شاشة البيع لإضافة طابعة جديدة؛ كل شيء واضح له ويقدر يضبّطها بنفسه بدون ما يكلّم الدعم فني.
• الآيباد: رغم أنه يدعم الربط بالطابعات، إلا أن عملية الربط نفسها صعبة وتضطّر الموظف أنه يطلع من شاشة البيع ويروح للإعدادات عشان يربط بأي طابعة، وهذا الشيء متعب خصوصًا أن أبسط تحديث للنظام راح يمسح الطابعات ولازم تنضاف من جديد.