وش الفرق بين برنامج محاسبي مجاني ومدفوع؟
في بداية أي مشروع، طبيعي إن التاجر يحاول يوفر قدر المستطاع. ويمكن أول فكرة تجي على باله: “ليش أدفع على برنامج محاسبي دام فيه برامج مجانية كثيرة!”
بس السؤال اللي لازم ينطرح هنا: هل المجاني يكفي؟ وهل الفرق بس بالسعر؟
في هذا المقال بنفصّل الفرق بين البرنامج المحاسبي المجاني والمدفوع، وبنشرح متى المجاني ممكن يخدمك، ومتى الأفضل تستثمر في برنامج يعطيك راحة ووضوح على المدى الطويل.
1. الخدمات الأساسية مقابل الميزات المتقدمة
البرنامج المجاني غالبًا يعطيك الأساسيات:
• تسجيل الفواتير بشكل يدوي
• تصنيف بسيط للدخل والمصروف
• أحيانًا قالب جاهز للتقارير الشهرية
بس إذا كنت تبي:
• تقرير مفصل عن الأرباح والخسائر
• مقارنة بين الفروع أو الفترات
• إدارة مخزون
• متابعة فواتير إلكترونية وضريبة
بتكتشف إنك تحتاج النسخة المدفوعة، أو تنتقل لبرنامج محاسبي متكامل يخدم احتياجاتك.
2. عدد المستخدمين وصلاحياتهم
معظم البرامج المجانية تعطيك دخول واحد فقط. يعني أنت وحدك تتابع كل شي، وإذا عندك محاسب أو موظف مبيعات، ما يقدر يدخل معه أو يتابع بدون ما تعطيه كلمة المرور.
بينما البرنامج المدفوع يعطيك صلاحيات مفصلة:
• المحاسب يشوف كل التفاصيل
• الكاشير يشوف المبيعات فقط
• المشرف يراجع التقارير بدون تعديل
وهنا يبان الفرق لما تستخدم برنامج محاسبي مصمم فعليًا لإدارة أكثر من مستخدم.
3. الدعم الفني وسرعة الرد
إذا صار خلل في البرنامج المجاني، غالبًا بتلقى نفسك تدوّر الحل في المنتديات أو تنتظر التحديث. ما فيه جهة ترد عليك أو تتابع مشكلتك.
أما في برنامج محاسبي مدفوع بتلقى:
• دعم مباشر
• حلول فورية
• متابعة لمشكلتك حتى تنحل
وهذا شي يريح التجار، خصوصًا وقت الإغلاق الشهري أو نهاية السنة.
4. النسخ الاحتياطي وحماية البيانات
البرامج المجانية غالبًا تحفظ بياناتك على جهازك. إذا خرب الجهاز أو تفرمتت الملفات، يعني ودّع بياناتك.
بينما البرامج المدفوعة تكون سحابية، شلون؟ تعال أقولك:
• بياناتك محفوظة تلقائي
• تقدر تدخل من أي جهاز
• محمية
• سجل تعديلات تراجع منه كل شي
يعني تخيّل بعد سنة تبغى تطلّع تقرير قديم، بتلقاه بثواني. برنامج محاسبي سحابي هو فرق كبير ما تحس فيه إلا وقت الحاجة.
5. التوسّع وربط المنصات
إذا شغلك كبر وصرت تشتغل مع أكثر من فرع أو على تطبيقات توصيل، البرنامج المجاني ما راح يخدمك كثير.
أما المدفوع بيعطيك:
• ربط مع نقاط البيع
• تقارير موحدة لكل الفروع
• مزامنة مع المنصات
وهذا يسهّل عليك المتابعة بدون لا ترجع تسوي كل شي يدوي.
كيف رِواء يفرق عن البرامج المجانية؟
رِواء مو بس برنامج محاسبي، هو منصة تخلّيك تتابع كل تفاصيل نشاطك من مكان واحد. من المبيعات والمصروفات والمخزون والتقارير.
وش اللي يميّز رِواء عن غيره؟
• يحفظ بياناتك تلقائيًا، وما تخاف من ضياع أو تلف
• يعطيك صلاحيات دقيقة لكل موظف حسب دوره
• تقارير يومية مفصّلة وجاهزة بضغطة زر
• ربط مباشر مع نقاط البيع والمنصات
• دعم فني سريع يرد عليك وقت ما تحتاج
يعني ببساطة: رِواء يخلّيك تشتغل براحة، وتوفّر وقتك للتوسّع بدل ما تنشغل بالأرقام والتصحيح.
متى أختار المجاني؟ ومتى استثمر في المدفوع؟
• إذا مشروعك توّك بادي فيه ومبيعاتك بسيطة، ومهتم تجرّب، المجاني خيار ممتاز كبداية.
• بس إذا صار عندك دخل ثابت وموظفين ومخزون، استثمارك في برنامج محاسبي مدفوع بيختصر عليك وقت ويرتب شغلك ويقلل من الأخطاء.
1. هل البرامج المجانية آمنة؟
بعضها آمن، لكن كثير منها ما يوفّر نسخ احتياطية ولا تشفير كافي. يعني لو تعطّل جهازك أو ضاعت الملفات، ممكن تخسر كل شي.
2. وش أهم ميزة في البرنامج المدفوع؟
الراحة. كل شي محفوظ ومرتب ويطلّع لك تقارير جاهزة وتقدر تراقب شغلك بدون لخبطة. وفوق هذا، فيه دعم فنّي يرد عليك لو احتجت.
يعني باختصار، الفرق بين المجاني والمدفوع مو بس بالسعر، الفرق تلمسه بالراحة والمتابعة والدقّة. المجاني يخدمك كبداية، لكن إذا تبغى تنمو وتشتغل براحة، البرنامج المدفوع بيكون ذراعك اليمين.
اختار برنامج محاسبي يناسبك، وكون واعي للفرق قبل لا تخسر وقتك أو بياناتك.
