كثير من التجار ينشغلون بمواسم البيع قبل العيد، ويجهزون العروض والتسويق، لكن ينسون أهم خطوة تسبق كل شي: جرد المخزون. الجرد مو بس للتأكد من الكميات، هو اللي يعطيك صورة واضحة عن شغلك، وش اللي عندك فعليًا، وش تحتاج تطلبه، وش اللي ممكن يعطّلك وقت الزحمة. بهذا المقال، بنمشي معك خطوة بخطوة عشان تعرف معنا فوائد نظام إدارة المخزون قبل العيد، وتستغل الموسم بأفضل طريقة.
افحص الكميات الأساسية قبل أي شي
أول خطوة لازم تسويها هي إنك تراجع الكميات للمنتجات الأساسية اللي يمشي عليها الطلب كثير، وخصوصًا المنتجات الموسمية. شيّك كم باقي عندك، ووش أكثر المنتجات اللي تنطلب، وابدأ منها. لا تنتظر ينقص عليك شي وتخسره وقت الزحمة.
طابق اللي بالمخزون مع اللي بالنظام
أحيانًا النظام يبين لك إن عندك 5 حبات، بس الواقع ممكن يكون 2 أو حتى صفر! وش السبب؟ لأن الكميات تم تحديثها يدويًا، وهذي وحدة من مشاكل الجرد اليدوي لأنه ما يضمن لك الدقة، خصوصًا لو ما كان فيه متابعة مستمرة. لكن باستخدام برامج تدير مخزونك وتربط كل حركة بيع أو استلام مباشرة بالنظام، تضمن إن بياناتك دايم محدثة وتكشف أي فرق قبل لا تدخل مواسم مثل العيد.
اكتشف المنتجات اللي ما تتحرّك
وأنت تراجع المخزون، انتبه للمنتجات اللي صار لها فترة وما انباعت. هذي غالبًا تسبب زحمة في المستودع، وتآخذ مساحة ممكن تستغلها لمنتجات عليها طلب. وهنا تجي أهمية إدارة المخزون
اضبط الترتيب
وأنت تجهّز مخزونك، تأكد إن كل منتج له مكانه، ومقسّم بطريقة واضحة. الترتيب مو بس راحة للعين، هو سرعة في الخدمة، وسهولة في التوصيل، وتقليل من الأخطاء.
جهّز قائمة الطلبات الجديدة من بدري
بعد الجرد بيوضح لك وش اللي ناقص، وش اللي عليه طلب، ووش اللي تبي تطلبه من الموردين. جهّز القائمة، واطلبها بدري قبل لا تبدأ أسعار الشحن ترتفع أو المخزون ينقص بالسوق.
كيف يساعدك رِواء في جرد المخزون قبل العيد؟
1. جرد مريح بأي وقت
تقدر تسوي الجرد يدوي، أو عن طريق الباركود، أو حتى تستورد ملف جاهز. مهما كان أسلوبك في الجرد، برنامج إدارة المخزون يعطيك أكثر من طريقة ترتب فيها مخزونك حسب طريقتك.
2. كل منتج واضح قدامك
المنتجات اللي قرّبت تخلص توصلك عنها تنبيهات. واللي عليها حركة ضعيفة تطلع في تقرير خاص، عشان تقدر تتصرف فيها بسرعة قبل لا يجي العيد.
3. تقارير تفيدك في الطلب والبيع
رِواء يطلّع لك تقارير تشوف فيها وش أكثر المنتجات اللي تمشي، وش اللي تستاهل تركّز عليها في العروض، ووش اللي توقف تطلبه مؤقتًا.
أسئلة شائعة عن جرد المخزون قبل العيد
الأفضل تبدأ فيه قبل المواسم بأسبوعين على الأقل، عشان يكون عندك وقت تطلب وترتّب.
لا، مع برامج مثل رِواء، تقدر تسوي الجرد إلكتروني وبأكثر من طريقة، ويكون أسرع وأدق.
أكيد، وبيساعدك تتخذ قرار واضح: تسوّقها؟ تخفّضها؟ أو توقفها؟
جرد المخزون مو خطوة إضافية، هو بداية تجهيز تجارتك للعيد. كل منتج راح تبيعه وكل طلب بتوصله وكل ربح يبدأ من ترتيب مخزونك. ابدأ بالجرد من بدري، وخلّيك أقوى من الزحمة… ومع رِواء، كل خطوة تصير أسهل، أسرع، وأوضح, وأرتب!
